'n tuiste vir groei
Vredenheim Akademie is op een van die oudste wynplase in die Stellenbosch-distrik geleë. Hier boer die Bezuidenhout-familie sedert 1986. Hulle liefde vir Afrikaans en die natuur het gelei tot die stigting van ’n splinternuwe Afrikaanse kleuterskool.
Wat maak ons anders?
Plaasomgewing wat kinders aan die natuur blootstel
Ideale onderwyser-leerder verhouding
Leertuiste waar kinders geborge voel
Individuele aandag
Kinders kan hulle unieke potensiaal bereik
Klem op taalontwikkeling en voorleesvaardighede
Dissipline gebaseer op respek, ywer en eerlikheid
SOS se graad RRR-3 kurrikulum word gevolg
Wat is ons visie?
’n Tuiste waar kinders, met selfvertroue en selfstandige denke, holisties groei. Daarmee saam die vestiging van ’n diepe waardering vir die Afrikaanse taal- en kultuurgemeenskap en die unieke rykdom wat dit tot ons lewens en die wêreld voeg.
Wat is ons missie?
Die bemagtiging van leerders om deur die voorreg van moedertaalonderrig, uit te styg in hulle gemeenskap. Ons verseker ’n inklusiewe leeromgewing sodat leerders met selfvertroue in ’n multi-kulturele wêreld kan funksioneer en tot uitmuntende wêreld-burgers kan groei, terwyl hulle, hul eie erfenis koester.
Ons Wapen
Die wapen word geïnspireer deur drie faktore, naamlik die werkerby, die heksagoon, en die twygie.
Die werkerby is deel van die Bezuidenhout-familiewapen. Dit verteenwoordig die verwesenliking van drome deur harde werk.
Die heksagoon dui op die heksagoonvormige selle van die byekorf wat ’n simbool is van samewerking – die bye werk saam om heuning te produseer.
Die twygie stel die plaasomgewing voor en herinner ons daaraan dat deur die regte saadjies te plant, ons kan groei en voorspoed kan behaal.
Groen simboliseer die natuur en groei.
Goudgeel verteenwoordig die heuning en die helderheid van die sonskyn.
Die nuutste gezoem:
